सन् २०२५ को लागि अमेरिकामा स्वास्थ्य बीमा खरिद गर्ने व्यक्तिहरूका लागि बीमा शुल्क (प्रिमियम) अत्यधिक वृद्धि हुने भएको छ। Kaiser Family Foundation (KFF) नामक एक स्वतन्त्र स्वास्थ्य नीति अनुसन्धान संस्थाले शुक्रबार सार्वजनिक गरेको विश्लेषण अनुसार, Affordable Care Act (ACA) अन्तर्गत Healthcare.gov वा राज्य-आधारित बजारहरू (Obamacare योजनाहरू) प्रयोग गरेर बीमा खरिद गर्ने सामान्य उपभोक्ताले आगामी वर्षमा औसतमा ७५ प्रतिशत बढी शुल्क तिर्नुपर्ने भएको छ। यो वृद्धि महामारीको समयमा उपलब्ध गराइएको संघीय प्रिमियम सब्सिडी (enhanced premium tax credits) को अन्त्यसँग जोडिएको बताइएको छ।
KFF की अनुसन्धानकर्ता सिन्थिया कोक्स का अनुसार, बीमा कम्पनीहरूले यो वर्ष बीमा दर बढाउने कारणमा अस्पताल शुल्क वा औषधि मूल्यको सट्टा, संघीय सब्सिडी अन्त्य भएको कुरा उल्लेख गरेका छन्। महामारीको बेला सुरु भएको यो अनुदानले धेरै मानिसहरूको बीमा शुल्क घटाएको थियो, जसका कारण ACA बीमा योजनामा संलग्न हुनेको संख्या दोब्बर भएको थियो। सन् २०२५ को जनवरीमा मात्रै बीमा लिनेको संख्या २४ मिलियन पुगेको थियो, जसले अमेरिका इतिहासकै न्यूनतम बिमा नभएका व्यक्तिहरूको दर ल्यायो।
तर अब ती subsidy हरू अन्त्य हुने भएपछि बीमा शुल्क एक्कासि महँगो बन्नेछ। उदाहरणका लागि, यस वर्ष बीमाको लागि $६० प्रति महिना तिर्ने व्यक्ति अब $१०५ तिर्नुपर्ने हुनसक्छ। यसले गर्दा विशेष गरी स्वस्थ र कम आम्दानी भएका व्यक्तिहरू बीमा छोड्ने जोखिम बढेको छ। Congressional Budget Office (CBO) को अनुमान अनुसार, subsidy अन्त्य भएपछि ४.२ मिलियन मानिस बीमा विहीन हुने छन्।
स्वस्थ व्यक्तिहरू बीमा नलिने हो भने, बीमा कम्पनीहरूको ग्राहक आधारमा त्यस्ता मानिस मात्र रहनेछन्, जसलाई दीर्घरोग वा महँगो उपचार आवश्यक हुन्छ। यस्तो अवस्थामा बीमा कम्पनीहरूलाई घाटा हुनसक्ने भएकाले उनीहरूले बीमा शुल्क अझै बढाउने रणनीति लिएको कोक्स बताउँछिन्।
यद्यपि, यो subsidy विस्तार गर्न अमेरिकी संसदले सहमति जनाएमा राहत मिल्न सक्थ्यो, तर वर्तमानमा राष्ट्रपति ट्रम्प र गठबन्धनमा रहेका रिपब्लिकन सांसदहरू ACA योजनाको विरुद्धमा उभिएका छन्। Republican Study Committee को २०२५ बजेट दस्तावेजमा ती सब्सिडीहरूलाई “अत्यधिक खर्चिलो” र “करदाताको बोझ” भनिएको छ।
यसबाहेक, KFF का अनुसार, पछिल्ला वर्षहरूमा बीमा लिने नयाँ व्यक्तिहरूको ठूलो हिस्सा टेक्सास, फ्लोरिडा र जर्जियाजस्ता रिपब्लिकन बाहुल्य भएका राज्यहरूमा देखिएको थियो। तर बीमा शुल्क अत्यधिक बढेपछि ती क्षेत्रहरूमा पुन: बीमा विहीनताको दर बढ्नसक्ने जोखिम पनि छ। Congressional Budget Office ले हाल ACA योजनामा बीमा लिएका ८.२ मिलियन व्यक्तिहरू बीमा गुमाउने सम्भावना रहेको जनाएको छ, जुन subsidy अन्त्य र ट्रम्प प्रशासन तथा संसदद्वारा गरिएका नीति परिवर्तनको संयुक्त परिणाम हो।
स्रोत : VPM