स्वास्थ्य तथा जनसंख्या मन्त्रालयले विश्व स्वास्थ्य संगठन (WHO) नेपालसँगको सहकार्यमा २०७८ साउन ३ र ४ गते (२०२५ जुलाई १५–१६) नेपालको “राष्ट्रिय महामारी तयारी तथा प्रतिकार्य योजना” (National Pandemic Preparedness and Response Plan – NPPRP) पुनरावलोकन गर्न दुईदिने परामर्श कार्यशाला आयोजना गरेको थियो। सो कार्यशालामा सम्बन्धित मन्त्रालय र निकायहरूबाट ३५ जना भन्दा बढी प्रतिनिधिहरूले विगतका महामारीबाट प्राप्त अनुभव र सन् २०१९ को योजनामा देखिएका कमजोरीबारे छलफल गरेका थिए। यो परामर्श कार्यक्रम समावेशी, बहुक्षेत्रीय प्रयासको थालनी हो, जसको उद्देश्य भविष्यका महामारीहरूमा स्वास्थ्य सुरक्षालाई बलियो बनाउने, शीघ्र पहिचान र छिटो प्रतिकार्य क्षमतालाई सुधार गर्ने तथा महामारीको सामाजिक–आर्थिक प्रभावलाई न्यून पार्ने हो।

संशोधित योजना अन्तर्राष्ट्रिय स्वास्थ्य नियमावली २००५ (IHR 2005) र प्रस्तावित महामारी सम्झौता २०२५ (Pandemic Agreement 2025) जस्ता विश्वव्यापी संरचनाहरूसँग अनुरूप हुनेछ। यसले उदाउँदै गरेका स्वास्थ्य जोखिमहरू, राष्ट्रिय प्राथमिकताहरू तथा Preparedness and Resilience to Emerging Threats (PRET) कार्यक्रमजस्ता रणनीतिहरू समेट्नेछ। WHO नेपालले कार्यशालामा प्राप्त सुझावहरूको समायोजन गर्न प्राविधिक सहयोग प्रदान गर्ने, विशेषज्ञहरूसँग परामर्श गरी अन्तिम योजना तयार पार्ने, तथा कार्यान्वयनका लागि आवश्यक स्रोत परिचालन र पैरवी गर्ने कार्यमा सघाउनेछ। उक्त गतिविधि Pandemic Influenza Preparedness (PIP) Fund अन्तर्गत Global Influenza Programme को सहयोगमा सञ्चालन गरिएको हो।

स्रोत : WHO